News - Ստեփանակերտն ու Բաքուն 6 պայմանավորվածություն են ձեռք բերել

ԼՂՀ Ինֆո Կենտրոնը հայտնել է Ադրբեջանի հետ ձեռք բերված պայմանավորվածությունների մասին։ «Ռուսական կողմի միջնորդությամբ սեպտեմբերի 20-ին Ադրբեջանի հետ ռազմական գործողությունների դադարեցման մասին ձեռք բերված պայմանավորվածության համաձայն՝ ներկայումս իրականացվում են հետևյալ գործողությունները. ՊԲ ստորաբաժանումների դուրսբերումը մարտական ​​դիրքերից և նրանց տեղափոխումը մշտական ​​տեղակայման վայրեր՝ բանակի լուծարման գործընթացին զուգահեռ, մահացած և անհայտ կորած մարդկանց որոնողական աշխատանքներ, ծանր և ծայրահեղ ծանր վիճակում գտնվող վիրավորների, ինչպես նաև հիվանդների տեղափոխումը Հայաստանի բժշկական հաստատություններ՝ Կարմիր խաչի միջազգային կոմիտեի և ռուս խաղաղապահների ուղեկցությամբ, Ռուսական խաղաղապահ առաքելության միջնորդությամբ Գորիս-Ստեփանակերտ մայրուղով մարդասիրական պիտույքների, դեղերի, առաջին անհրաժեշտության ապրանքների և վառելիքի ներմուծում Արցախ։ սեպտեմբերի 24-ից էլեկտրամատակարարման վերականգնման աշխատանքների մեկնարկը. Արցախի և նրա ժողովրդի ապագայի վերաբերյալ քաղաքական խորհրդակցությունների կազմակերպում. Մեր հայրենակիցներին խնդրում ենք պահպանել հանգստություն և չտրվել խուճապի ու սադրանքների։ Այս օրհասական պահին հանրապետության իշխանությունները պարբերաբար կտեղեկացնեն հանրությանը ստեղծված իրավիճակի բոլոր որոշումների և զարգացումների մասին»,- ասված է հաղորդագրության մեջ։