News - Շոլցը կարևորում է Հայաստանի տարածքային ամբողջականությունը հարգելը
Business Strategy
Շոլցը կարևորում է Հայաստանի տարածքային ամբողջականությունը հարգելը
Գերմանիայի կանցլեր Օլաֆ Շոլցը կրկին հեռախոսազրույց է ունեցել ՀՀ վարչապետ Նիկոլ Փաշինյանի հետ… Գերմանիայի կանցլեր Օլաֆ Շոլցն այսօր կրկին հեռախոսազրույց է ունեցել Հայաստանի վարչապետ Նիկոլ Փաշինյանի հետ, հայտնում է Գերմանիայի կառավարության մամուլի ծառայությունը։ Հաղորդագրության համաձայն՝ ուշադրության կենտրոնում է եղել Լեռնային Ղարաբաղում տիրող իրավիճակը և տեղի բնակչությանը հրատապ մարդասիրական օգնություն տրամադրելու հարցը, այդ թվում՝ Լաչինի միջանցքի միջոցով։ Կանցլերը դեմ է արտահայտվել ռազմական ուժի կիրառմանը։ Նա ընդգծել է, որ Գերմանիայի դաշնային կառավարությունը հավատարիմ է Հայաստանի և Ադրբեջանի միջև բանակցային լուծմանը և կայուն խաղաղությանը։ «Եվրոպական խորհրդի նախագահ Շառլ Միշելի ջանքերն ունեն դաշնային կառավարության լիակատար աջակցությունը։ Հակամարտության կայուն կարգավորման համար անհրաժեշտ է երաշխավորել Ղարաբաղի բնակչության իրավունքներն ու անվտանգությունը։ Թափանցիկ մարդասիրական օգնությունը և Ղարաբաղի ժողովրդի անվտանգությունն այժմ Ադրբեջանի պատասխանատվությունն է։ Զրույցի ընթացքում կանցլերն ընդգծել է նաև Հայաստանի տարածքային ամբողջականության և ինքնիշխանության հարգման կարևորությունը։ Դաշնային կանցլերը և Հայաստանի վարչապետը պայմանավորվել են շարունակել մտքերի փոխանակությունը և սերտ կապ պահպանել»,- ասված է հաղորդագրությունում։
About usyoo
Categories
Tags
