News - 100 զոհերի մարմիններ գտնվում են Ստեփանակերտից կտրված բնակավայրերում
Business Strategy
100 զոհերի մարմիններ գտնվում են Ստեփանակերտից կտրված բնակավայրերում
Արցախում ադրբեջանցի զինվորականների կողմից սպանված մոտ 100 զոհերի դիեր գտնվում են Ստեփանակերտից կտրված համայնքներում (Մարտունի, Մարտակերտ և այլն)։ Լինում են դեպքեր, երբ մեկ ընտանիքից մի քանի խաղաղ քաղաքացիական զոհ է զոհվում, ֆեյսբուքյան իր էջում գրել է ՀՀ Մարդու իրավունքների նախկին պաշտպան Արման Թաթոյանը։ «Մարդիկ չեն կարողանում զոհերի դիերը տանել դատաբժշկական փորձաքննության, որ կարողանան թաղել, քանի որ ադրբեջանցի զինված զինծառայողները համայնքները միմյանցից մեկուսացված են պահում։ Լինում են դեպքեր, երբ մարդիկ ստիպված են լինում թաղումներ անել առանց դատաբժշկական փորձաքննության։ Հազարավոր մարդիկ չեն կարողանում գտնել իրենց հարազատներին. նրանք չգիտեն՝ ողջ են, գերության մեջ են, թե մեռած։ Ադրբեջանական զինուժը գրեթե ամբողջությամբ խաթարել է կապը, ինչը շատ դժվարացնում է ցանկացած հարցի լուծումը։ Վերոնշյալին գումարվում է սննդի, լույսի, գազի, դեղորայքի պակասը, ինչը մեծացնում է մարդկանց տառապանքները։ Ի վերջո, մարդիկ տուն չունեն. նրանք բռնի տեղահանված են իրենց տներից, պատմական համայնքներից։ Այս ամենը Ադրբեջանի միտումնավոր քաղաքականությունն է՝ հայատյացությունից. խոշտանգելով և սպանելով մարդկանց այս անմարդկային տառապանքներին»,- գրել է նա։
About usyoo
Categories
Tags
