

Սեպտեմբերի 22-ին Նյու Յորքում ՄԱԿ-ի Գլխավոր ասամբլեայի 78-րդ նստաշրջանի ընթացքում Հայաստանի արտաքին գործերի նախարար Արարատ Միրզոյանը հանդիպեց Եվրոպայի և Եվրասիայի հարցերով պետքարտուղարի օգնական Յուրի Քիմին։ ԱԳՆ մամուլի ծառայությունից հայտնում են, որ այս հանդիպումը հաջորդել է սեպտեմբերի 19-ին Հայաստանի արտգործնախարարի և ԱՄՆ պետքարտուղարի օգնականի քննարկումներին, ինչպես նաև սեպտեմբերի 21-ին տեղի ունեցած ՄԱԿ-ի Անվտանգության խորհրդի արտակարգ նիստին։ Նրանց բանակցությունների առանցքում եղել է Լեռնային Ղարաբաղի ժողովրդի դեմ Ադրբեջանի ագրեսիայի արդյունքում առաջացած իրավիճակը։ Բացի այդ, անդրադարձ է եղել Հարավային Կովկասի տարածաշրջանում անվտանգության ավելի լայն դինամիկային։