News - Հայաստանից Ղարաբաղ են մտել ռուս խաղաղապահների մոտ 15 բեռնատարներ
Business Strategy
Հայաստանից Ղարաբաղ են մտել ռուս խաղաղապահների մոտ 15 բեռնատարներ
Քիչ առաջ ռուս խաղաղապահների մոտ 15 բեռնատարներից բաղկացած շարասյունը Հայաստանից Արցախ (Լեռնային Ղարաբաղ) անցավ Հայաստանի Գորիս քաղաքից Արցախ տանող մայրուղով։ Ռուսական դրոշներով այս բեռնատարների շարժումը ֆիքսել է AFP-ի տեսախցիկը։ Այսօր սա Լաչինի միջանցքով Արցախ մտնող ռուսական բեռնատարների արդեն երկրորդ շարասյունն է։ Ավելի վաղ Reuters-ի թղթակիցը հայտնել էր, որ Գորիս-Ստեփանակերտ ավտոճանապարհով ռուս խաղաղապահների յոթ բեռնատարներ են մեկնել Արցախ։ Թե ինչ կա այս բեռնատարներում, դեռ հայտնի չէ։ ՀՀ կառավարության կողմից ստեղծված Լեռնային Ղարաբաղի ճգնաժամային կառավարման աշխատանքային խմբի ներկայացուցիչ Վարդան Սարգսյանը NEWS.am -ի թղթակցի հետ զրույցում ասաց, որ իրենք այդ մասին տեղեկություն չունեն։ «Հայկական բեռնատարների տեղաշարժի մասին տեղեկություն չկա, ես չեմ կարող մեկնաբանել ռուսական բեռնատարների մասին, քանի որ դա կապ չունի աշխատանքային խմբի և ՀՀ կառավարության կողմից ուղարկվող բեռի հետ»,- ասաց Սարգսյանը։
About usyoo
Categories
Tags
