News - Ադրբեջանը թիրախավորել է Ղարաբաղում բնակելի շենքերը, մանկապարտեզներն ու դպրոցները (լուսանկարներ)

Սեպտեմբերի 19-ից 20-ը Ադրբեջանի կողմից սանձազերծված լայնածավալ ռազմական գործողությունների ընթացքում թիրախավորվել են քաղաքացիական և հասարակական օբյեկտներ։ Արցախի ՆԳՆ ԱԻ ծառայությունը հրապարակել է Ստեփանակերտում ադրբեջանական ագրեսիայի հետևանքով վնասված քաղաքացիական օբյեկտների լուսանկարները։ «Ադրբեջանի զինված ուժերը հրթիռահրետանային և ավիացիոն միջոցներով գրոհել են բնակելի շենքերը, մանկապարտեզները, դպրոցները, վնասվել են նաև ավտոմեքենաներ, ընդ որում՝ դրանց մոտակայքում ռազմական օբյեկտներ և զինտեխնիկա չեն եղել։ Կապի և տրանսպորտի բացակայության, ինչպես նաև Ստեփանակերտը մարզերին կապող ճանապարհների արգելափակման պատճառով վնասի չափն առայժմ լիովին հնարավոր չէ պարզել»,- ասված է ԱԻ ծառայության հաղորդագրության մեջ։ .