News - Թուրքիան Հայաստանին մեղադրում է Ղարաբաղի դեմ Ադրբեջանի ռազմական ագրեսիայի մեջ

Թուրքիան մեղադրել է Հայաստանին Արցախի (Լեռնային Ղարաբաղի) դեմ Ադրբեջանի ռազմական ագրեսիայի համար՝ ասելով, որ դա «հետևանք է այն բանի, որ Հայաստանը չի կատարում իր պարտավորությունները նախկինում ձեռք բերված պայմանավորվածություններով»։ Milliyet օրաթերթին տված հարցազրույցում նման հայտարարություն է արել Թուրքիայի ազգային պաշտպանության նախարար Յաշար Գյուլերը։ «Հայաստանը հրադադարի պայմանագիր է կնքել՝ հիմնվելով նախորդ 44-օրյա [2020թ.] [ռազմական] գործողության արդյունքների վրա։ Եվ նա պետք է կատարի դրա պայմանները։ Ահաբեկիչները հաստատվել են այնտեղ [Ղարաբաղում], այնտեղի հանքերում ապօրինի արդյունահանում են։ Նրանք չէին լսում նախազգուշացումները և փակում էին ճանապարհները, վերջին 10-15 օրվա ընթացքում նրանց բազմիցս զգուշացրել են կանգ առնել, բայց ոչինչ չի փոխվել, և ի վերջո Ադրբեջանը պատասխանել է նրանց։ Ադրբեջանի ռազմական օպերացիան], նրանք ասացին, որ կհանձնվեն, կհրաժարվեն զենքերից և կհեռանան»,- ասել է Թուրքիայի պաշտպանության նախարարը, փոխանցում է ՏԱՍՍ-ը։ Գյուլերի խոսքով՝ «Ռուսաստանը հայտարարել է, որ [Ղարաբաղում] բոլոր հողերը պատկանում են Ադրբեջանին»։ Նա հույս է հայտնել, որ Ադրբեջանի վերոհիշյալ ռազմական ագրեսիան «քայլ կլինի դեպի երկարաժամկետ խաղաղություն»։ Հատկապես, եթե Հայաստանը պատշաճ կերպով կատարի իր պարտավորությունները, և խաղաղության պայմանագրի դրույթները հնարավորինս արագ կյանքի կոչվեն, դրանից հետո տարածաշրջանում խաղաղության և հանգստության մթնոլորտ կհաստատվի»,- հավելել է Գյուլերը։ Իսկ մեկնաբանելով Հայաստանի և ԱՄՆ-ի միջև վերջին զորավարժությունները Հայաստանում՝ Թուրքիայի պաշտպանության նախարարն ասել է, որ «այդ իրադարձությունն առանձնապես կարևոր չի համարում»։ Այդուհանդերձ, ըստ նրա, ներկայիս լարվածության պայմաններում զորավարժություններին անգամ 25 հոգու մասնակցությունը կարող է սխալ ընկալվել, ուստի ավելի լավ կլինի, որ կողմերը ավելի զգույշ գործեն։