News - «Ռոյթերս». Ադրբեջանը քննարկում է զենքը վայր դրած ղարաբաղցի մարտիկների համաներումը

Ադրբեջանի նախագահի արտաքին քաղաքականության հարցերով խորհրդական Հիքմեթ Հաջիևը հայտարարել է, որ Բաքուն համաներում է նախատեսում Լեռնային Ղարաբաղի այն մարտիկների համար, ովքեր հրաժարվել են զենքից, հայտնում է Reuters-ը։ «Նույնիսկ նախկին զինվորականների և մարտիկների մասով, եթե նրանք կարող են նման կերպ դասակարգվել, և նույնիսկ նրանց համար մենք համաներում ենք նախատեսում կամ ակնարկում ենք նաև համաներում»,- ասել է Հաջիևը։ Ղարաբաղի հայերի իրավունքները կհարգվեն Ադրբեջանին ինտեգրվելու շրջանակում, ասել է նա՝ հավելելով, որ նրանք խնդրել են մարդասիրական աջակցություն, ինչպես նաև նավթի և բենզինի մատակարարումներ։ Նա ասաց, որ ուրբաթ օրը երեք մարդասիրական օգնության բեռներ կհասցվեն տարածաշրջան։ «Ներկայումս մենք տեսնում ենք, որ առանձին բանակային խմբեր և սպաներ, որոնք հրապարակային հայտարարություններ են արել, որ չեն հաշտվելու և շարունակելու են դիմադրությունը», - ասաց նա։ «Բայց մենք դա չենք տեսնում որպես ամենամեծ մարտահրավեր և անվտանգության մեծ մարտահրավեր: Իհարկե, դա որոշակի մարտահրավերներ ու դժվարություններ կառաջացնի, բայց ոչ այդքան մեծ մասշտաբով»։