News - «Արմենպրես».Բելգիայի հայերը լուռ բողոքի ցույց են կազմակերպել Բրյուսելում

Բելգիայի հայ համայնքը չորեքշաբթի լուռ ցույց է անցկացրել Բրյուսելի ամենաբանուկ հրապարակներից մեկում՝ Կլոդ Մոնե հրապարակում՝ դատապարտելու Արցախի (Լեռնային Ղարաբաղի) հայ բնակչության էթնիկ զտումները և Ադրբեջանի ցեղասպան քաղաքականությունը, հաղորդում է «Արմենպրես»-ը: Սկզբում այնտեղ նախատեսված էր հայկական երգի ու պարի համերգ՝ նվիրված Հայաստանի անկախության 32-րդ տարեդարձին։ Բայց հաշվի առնելով երեքշաբթի օրը Արցախում Ադրբեջանի կողմից սանձազերծված ռազմական գործողությունները, այս համերգը չեղարկվեց և փոխարինվեց լուռ բողոքով։ Միջոցառմանը ելույթ է ունեցել բելգիացի պատգամավոր Ժորժ Դալլեմանը։ Արցախահայությանն աջակցելուց հետո նա դատապարտել է միջազգային հանրության, այդ թվում՝ Եվրոպայի ու Բելգիայի անգործությունը Արցախում ստեղծված իրավիճակում։ 2020 թվականին Դալլեմանը պատերազմի ժամանակ եղել է Արցախում և իր աչքերով է տեսել արցախահայության տառապանքը։