

Արցախում հազարավոր անհայտ կորածներ կան. Հաղորդակցության բացակայության պատճառով հատկապես դժվար է նրանց գտնելը կամ պարզել՝ սպանված են, թե ոչ։ ՀՀ Մարդու իրավունքների նախկին պաշտպան Արման Թաթոյանը ֆեյսբուքյան իր էջում գրել է. «Ընտանիքի շատ անդամներ չեն կարողանում գտնել միմյանց. ծնողները չեն կարող գտնել իրենց երեխաներին, երեխաները չեն կարող գտնել իրենց ծնողներին, քույրերը չեն կարող գտնել իրենց եղբայրներին… Բնակելի տարածքները կտրված են միմյանցից, իսկ մարդկանց ճակատագրերն անհայտ են։ Ի հավելումն այս ամենի, կա սննդի, կապի, էլեկտրաէներգիայի, գազի, դեղորայքի և կյանքի առաջին անհրաժեշտության պարագաների պակաս, որոնք մեծացնում են մարդկանց տառապանքները»,- գրել է նա։