News - Իսրայելի ՊՆ գլխավոր տնօրենն Ադրբեջան է այցելել Ղարաբաղի դեմ Բաքվի ռազմական ագրեսիայից ընդամենը 2 օր առաջ

Իսրայելի պաշտպանության նախարարության (ՊՆ) գլխավոր տնօրեն Էյալ Զամին Ադրբեջան է այցելել Արցախի (Լեռնային Ղարաբաղի) դեմ Բաքվի ռազմական ագրեսիայից ընդամենը երկու օր առաջ, հայտնում է Army Radio-ն։ Այցը տեղի է ունեցել վերջին շաբաթների ընթացքում Ադրբեջան իսրայելական սպառազինության մատակարարումների աճի ֆոնին: Իսրայելը հրապարակայնորեն երկկողմ կապերի ընդլայնման գործընթացում է՝ Ադրբեջանի հետ, որը շիա մահմեդական մեծամասնություն ունեցող երկրի հետ սերտ կապեր ունի Թուրքիայի հետ: Մարտին Ադրբեջանի արտգործնախարար Ջեյհուն Բայրամովը պաշտոնապես բացեց Իսրայելում իր երկրի առաջին դեսպանատունը։ Մայիսին Իսրայելի նախագահ Իսահակ Հերցոգն այցելել է Ադրբեջան, որտեղ քննարկել է «իրանական սպառնալիքը» և երկկողմ հարաբերությունները։ Իսրայելը Ադրբեջանին զենք մատակարարողներից է։ Ստոկհոլմի Խաղաղության միջազգային հետազոտությունների ինստիտուտի տվյալներով՝ 2016-2020 թվականներին Իսրայելը ապահովել է Ադրբեջանի հիմնական զենքի ներմուծման 69 տոկոսը, ինչը կազմում է Իսրայելի զենքի արտահանման 17 տոկոսը այդ ժամանակահատվածում։ Իսրայելն ավելացրել է Ադրբեջանին զենքի մատակարարումը 2020 թվականին Արցախի դեմ վերջինիս 44-օրյա պատերազմի ընթացքում։ Գաղտնիք չէ, որ այդ հարաբերությունների երկու հիմնասյուներն են Ադրբեջանի դիրքն Իրանի հյուսիսային սահմանին, և այն, որ Իսրայելն իր նավթի ավելի քան 30 տոկոսը գնում է Ադրբեջանից։