News - ՌԴ փոխվարչապետ. Հայաստանը պաշտոնապես հետ չի վերցնում իր ստորագրությունը 2020 թվականի եռակողմ հայտարարությունից

Հայաստանը պաշտոնապես հետ չի վերցնում իր ստորագրությունը եռակողմ հայտարարությունից, որը 2020 թվականին ստորագրվել է Մոսկվայի, Բաքվի և Երևանի կողմից և նպաստել է Լեռնային Ղարաբաղում հրադադարի հաստատմանը։ Միևնույն ժամանակ, սակայն, տարածաշրջանում հաղորդակցությունների ապաշրջափակման եռակողմ աշխատանքային խմբի շրջանակներում մոտ մեկուկես տարի առաջընթաց չի գրանցվել, հայտարարել է ՌԴ փոխվարչապետ Ալեքսեյ Օվերչուկը, փոխանցում է ՏԱՍՍ-ը։ «Հայաստանը պաշտոնապես դուրս չի գալիս եռակողմ հայտարարությունից և հետ չի վերցնում իր ստորագրությունը, բայց միևնույն ժամանակ փոխվարչապետների մակարդակով եռակողմ աշխատանքային խմբի շրջանակներում արդեն երկու տարի է, ինչ շարժ գրեթե չկա, կամ. ենթադրենք՝ անցած ամառվանից առնվազն մեկուկես տարի»,- ասել է Օվերչուկը Ռուսաստանի Առաջին ալիքի եթերում։ ՌԴ փոխվարչապետը հավելել է, որ տարածաշրջանում տնտեսական ու տրանսպորտային միջանցքների ապաշրջափակումը «հնարավոր է միայն Ռուսաստանի մասնակցությամբ»։