News - Քննարկվել են Հայաստանի և Վրաստանի զինված ուժերի համագործակցության հեռանկարները

ՊՆ-ից NEWS.am -ին հայտնում են, որ երեքշաբթի և չորեքշաբթի աշխատանքային այցով Վրաստանում է գտնվում Հայաստանի զինված ուժերի գլխավոր շտաբի պետի տեղակալ Արթուր Երոյանի գլխավորած պատվիրակությունը։ Երոյանին ընդունել է Վրաստանի պաշտպանության ուժերի ղեկավար Գիորգի Մատիաշվիլին։ Կողմերն ընդգծել են պաշտպանական ոլորտում երկու երկրների միջև համագործակցության շարունակական զարգացումն ու ընդլայնումը։ Արթուր Երոյանը հանդիպել է նաև Վրաստանի պաշտպանության ուժերի պետի տեղակալ, գլխավոր շտաբի պետ Ջոնի Տատունաշվիլիի հետ։ Քննարկվել են հայկական և վրացական բանակների համագործակցության հեռանկարները։ Հայկական պատվիրակությունն այցելել է նաև Վրաստանի ազգային պաշտպանության ակադեմիա, Ռազմական պատրաստության և կրթության հրամանատարության ուսումնական և գնահատման կենտրոններ, ինչպես նաև Վրաստանի սերժանտական ​​ակադեմիա։