News - Թողարկվել է «Գրանդ Հոլդինգի» հիմնադիր Հրանտ Վարդանյանի ծննդյան 75-ամյակին նվիրված նամականիշը.

Շրջանառության մեջ են դրվել գործարար, բարերար, «Գրանդ Հոլդինգի» հիմնադիր, Հայաստանի տնտեսության վաստակավոր գործիչ Հրանտ Վարդանյանի ծննդյան 75-ամյակին նվիրված նամականիշը, առաջին օրվա շապիկը և հուշանվերը։  Նկարիչը Հարություն Ավագյանն է, դիզայներները՝ Վահան Աբրահամյանը և Դավիթ Դովլաթյանը։ Նամականիշի անվանական արժեքը 1000 դրամ է, թողարկված 100000 տպաքանակով։ Տպվել է առաջին օրվա շապիկի և հուշանվերների 10 000 տպաքանակ։ Ծրարի վրա պատկերված են Հրանտ Վարդանյանի գործունեության հիմնական ոլորտները՝ արդյունաբերությունը, գյուղատնտեսությունը և բարեգործությունը։ 1990-ականներին Հրանտ Վարդանյանի ջանքերով Հայաստանում վերականգնվեց և զարգացավ հայրենական արտադրությունը։ Այդ ժամանակ ստեղծվեց «Գրանդ Հոլդինգը», և այդ ժամանակվանից Հայաստանի արտադրական ոլորտում «Գրանդ Հոլդինգը» շարունակում է մնալ առաջին հարկատու, սպառողական ապրանքների առաջատար արտահանող և խոշորագույն գործատու։