News - Ադրբեջանի զինված ուժերը Թաղավարդ գյուղի բնակիչներին գերեվարել են

Ադրբեջանի Զինված ուժերը իրենց ռազմական ագրեսիայի ժամանակ գերի են վերցրել Թաղավարդից բնակիչներին։ Այս մասին NEWS.am-ի հետ զրույցում ասաց Արցախի Ազգային ժողովի պատգամավոր Մետաքսե Հակոբյանը՝ հավելելով, որ Արցախում ամենուր ծանր իրավիճակ է։ «Թաղավարդում ապրող մեր ընկերների հարազատներին ադրբեջանցիները գերի են վերցրել, ադրբեջանցիները դիմում են ծայրահեղ քայլերի և կապ չունի՝ քաղաքացիական անձ է, թե ոչ, ամեն կողմից սպանում են, գերեվարում։ Սա այն ցեղասպանությունն է, որի մասին խոսում էր Նիկոլ Փաշինյանը, նա հասավ իր երազանքին. Հայաստանի մեր հայրենակիցները որոշել են Արցախի ու Հայաստանի փոխարեն Նիկոլ ունենալ. Արցախը մեկ օր է դիմադրում է՝ հույս ունենալով, որ Հայաստանը կօգնի, բայց այդպես էլ չեղավ»,- ասաց նա։ Պատգամավորը տեղեկացրեց, որ երեկվանից Արցախը միջնորդավորված քննարկումների մեջ է Ադրբեջանի հետ, սակայն ադրբեջանական կողմը ոչ մի առաջարկ չի լսելու։ Մետաքսե Հակոբյանը հայտնեց նաև, որ հիվանդանոցներում կան բազմաթիվ վիրավորներ և զոհեր. «Բայց ռեսուրսը շատ սահմանափակ է, Ստեփանակերտի այն հատվածում, որտեղ իմ տունն ու ընտանիքն է, ես այլևս մարդկանց չեմ տեսնում, մենք մենակ ենք մնացել, բոլորը ինքնակամ տարհանվել են, չգիտեմ, թե որ ուղղությամբ, քաոս է։ նա ավելացրեց.