News - Իսրայելի բանակը հայտարարել է Բեյրութի հարավային արվարձաններից նոր տարհանման մասին

Իսրայելի պաշտպանության բանակը (IDF) հայտարարել է Բեյրութի հարավային արվարձաններից նոր տարհանման մասին, հայտնում է The Times of Israel-ը։ Իսրայելական զինվորականները Լիբանանի մայրաքաղաքի հարավային արվարձաններում գտնվող Հադաթ և Չիյա շրջանների բնակիչների տարհանման նոր հրամաններ են հայտարարել։ «Դուք գտնվում եք այն կառույցների կողքին, որոնք կապված են «Հեզբոլլահի» հետ, որոնց դեմ [իսրայելական բանակը] կգործի մոտ ապագայում», - սոցցանցում ասել է Իսրայելի պաշտպանության բանակի արաբական խոսնակ Ավիչայ Ադրեյը: «Ձեր և ձեր ընտանիքի անդամների անվտանգության համար դուք պետք է անհապաղ տարհանվեք նշված շենքերից և մնաք դրանցից ոչ պակաս, քան 500 մետր հեռավորության վրա»,- ասված է Իսրայելի պաշտպանության բանակի ներկայացուցչի հաղորդագրության մեջ։