News - Արարատ Միրզոյանը և Վերա Ջուրովան քննարկել են Հայաստանի ժողովրդավարական ինստիտուտների ամրապնդմանն ուղղված հավակնոտ բարեփոխումների ընթացքը

Հայաստանի արտաքին գործերի նախարար Արարատ Միրզոյանը երեքշաբթի օրը Լեհաստանում Վարշավայի անվտանգության համաժողովի շրջանակներում հանդիպել է Եվրոպական հանձնաժողովի արժեքների և թափանցիկության գծով փոխնախագահ Վերա Յուրովային։ Հայաստանի արտաքին գործերի նախարարությունից NEWS.am-ին հայտնում են, որ զրուցակիցները քննարկել են ԵՄ-ի հետ Հայաստանի համագործակցության խորացման օրակարգային հարցեր։ Նշվել են սերտ փոխգործակցության արդյունքում վերջին ձեռքբերումները, ինչպես նաև Հայաստան-ԵՄ գործընկերության նոր օրակարգի զարգացման շուրջ քննարկումների դրական դինամիկան: Միրզոյանն ու Ջուրովան անդրադարձել են նաև մարդու իրավունքների և օրենքի գերակայության, ժողովրդավարական ինստիտուտների ամրապնդման և ԵՄ հետ համապատասխան համագործակցության ուղղությամբ Հայաստանի կողմից իրականացվող հավակնոտ բարեփոխումների ընթացքին։ Ընդգծվել է նաև կրթության, գիտության և մշակույթի ոլորտներում ակտիվ փոխգործակցության շարունակականությունը։