News - Գերմանացի պատգամավորը չի բացառում Գերմանիա-Ադրբեջան տնտեսական հարաբերությունների վերանայումը

Գերմանիայի խորհրդարանի՝ Բունդեսթագի արտաքին հարաբերությունների հանձնաժողովի նախագահ Միխայել Ռոթը կոչ է արել Գերմանիայի իշխանություններին ազդանշան ուղարկել Ադրբեջանի ղեկավարությանը Լեռնային Ղարաբաղում իրենց ռազմական գործողությունը դադարեցնելու անհրաժեշտության մասին։ Այս մասին Ռոթը հայտնել է Frankfurter Allgemeine Zeitung թերթին։ «Մենք [այսինքն՝ Գերմանիան] պետք է հստակ ուղերձ հղենք Բաքվին, որ մենք չենք ընդունում այդ սառնասիրտ ագրեսիան հենց այնպես»,- ասել է Ռոթը։ «Սա վերաբերում է նաև տնտեսական հարաբերությունների վերանայմանը։ Նմանատիպ ելույթ է ունեցել նաև Գերմանիայի Բունդեսթագի պաշտպանության հանձնաժողովի նախագահ Մարի-Ագնես Ստրաք-Զիմերմանը։ «Մենք պետք է հստակ ուղերձ հղենք Բաքվին»,- նշել է նա։