News - Ղարաբաղի նախագահը բացատրել է, թե ինչպես է իրեն հաջողվել ուղղաթիռով հասնել Հայաստան, բայց Արցախի մյուս բարձրաստիճան ղեկավարները չեն կարողացել.

Ինչպե՞ս կարողացաք Արցախից ուղղաթիռով հասնել Հայաստան, իսկ Արցախի մնացած ռազմաքաղաքական ղեկավարությունը՝ ոչ։ Այս հարցն ուրբաթ Երևանի Եռաբլուր զինվորական պանթեոնում լրագրողները ուղղեցին Արցախի նախագահ Սամվել Շահրամանյանին։ Ի պատասխան՝ Շահրամանյանն ասաց. «Ես չեմ կարող մեկնաբանել այն որոշումները, որոնք կայացվում էին Ադրբեջանում, ձերբակալելու, այդ մարդկանց գերի վերցնելու որոշումները կայացնում էին ադրբեջանցիները, չգիտեմ ինչու իմ մասով նման որոշում չի կայացվել։ ժամանակի ընթացքում դրա պատասխանը կստանա»։ Հարցին, թե հնարավո՞ր էր ադրբեջանցիների հետ չգնալ բանակցությունների և չստորագրել Արցախի լուծարման մասին հրամանագիրը, և ի՞նչ կլիներ այդ դեպքում, Շահրամանյանն արձագանքեց. Մինչև վերջին վայրկյանը արցախցիները չէին ցանկանում լքել իրենց տները. Բայց մենք Ադրբեջանից համապատասխան երաշխիքներ չստացանք, որ [Արցախի հայ] ժողովուրդը կարող է շարունակել անվտանգ ապրել այնտեղ»։ Իսկ խոսելով այն մեղադրանքների մասին, որ Արցախի ղեկավարությունը հրաժարվել է Բուլղարիայի մայրաքաղաք Սոֆիայում Ադրբեջանի հետ բանակցություններից և փոխարենը գնացել է Ադրբեջանի Եվլախ՝ բանակցելու, Արցախի նախագահն ասել է. «Այն ժամանակ Արայիկ Հարությունյանը [Արցախի] նախագահն էր։ որքան գիտեմ, արցախյան կողմը երբեք, ոչ մի տեղ, ոչ մի պարագայում չի հրաժարվել բանակցություններից»։