News - Telcell-ը հայտարարում է նոր ռազմավարական փուլի և առաջիկա խոշոր նախագծի մասին

Այս տարվա սկզբին Telcell-ը՝ վճարումների պրոցեսինգի առաջատար ընկերությունը, նախաձեռնեց վերակառուցման գործընթացը՝ դառնալով հանրային բաժնետիրական ընկերություն: Այսօր Telcell-ը ուրախ է պաշտոնապես հայտարարել իր նոր ռազմավարական փուլի մեկնարկի մասին: «Մենք մշտապես եղել ենք հայկական շուկա նորարարությունների ներդրման առաջամարտիկները: Տասնյոթ տարի առաջ մենք առաջինն էինք, որ Հայաստան բերեցինք վճարային տերմինալներ: Այդ ժամանակից ի վեր մենք ընդլայնել ենք մեր շրջանակը՝ էլեկտրոնային դրամապանակներից մինչև համաբրենդային Visa թվային քարտեր, Լիցքավորման սարքերից մինչև տրանսպորտային սկաներներ 2024 թվականը մեզ համար կլինի ևս մեկ նշանակալից տարի, մենք շուտով կներկայացնենք մի նախագիծ, որն ուղղված է նոր հնարավորությունների յուրացմանը», - ասաց Telcell-ի գործադիր տնօրեն Արտյոմ Ղազարյանը: Փակ բաժնետիրական ընկերությունից բաց բաժնետիրական ընկերության կառավարման մոդելի անցնելու վերաբերյալ Telcell-ն ընդգծեց, որ այս որոշումը արտացոլում է ընկերության ռազմավարական հանձնառությունը ավելի լայն բացության և թափանցիկության նկատմամբ: «2022 թվականին մենք ստանձնեցինք Երևանի տոմսերի միասնական համակարգ ներդնելու պատասխանատվությունը: Մենք հասկացանք այս պատասխանատվության նշանակությունը՝ իմանալով, որ ընկերությունը լինելու է հանրային վերահսկողության ներքո՝ ավելի թափանցիկ և հաշվետու գործունեության ակնկալիքով: «Բաժնետիրական ընկերությունը մեզ մարդկանց հետ ավելի մոտեցնելու քայլ է»,- հավելեց Արտյոմ Ղազարյանը։ Աշխատակիցների հետ ծավալուն հանդիպման ժամանակ Ղազարյանը ներկայացրել է Telcell-ի նոր խոշոր նախագիծը, որի մասին պաշտոնապես կհայտարարվի հանրությանը մոտ ապագայում։