News - Նիգերիայում ջրհեղեղն օգնել է հարյուրավոր բանտարկյալների փախչել

Նիգերիայի հյուսիս-արևելքում գտնվող Մայդուգուրի քաղաքի բանտից փախել է 281 բանտարկյալ։ Փախուստին նպաստել է հորդառատ անձրևների հետևանքով ամբարտակի պայթելու հետևանքով առաջացած համատարած ջրհեղեղը, հայտնել են բանտի իշխանությունները: Բանտի խոսնակ Ումար Աբուբաքարի խոսքով՝ բանտարկյալներին, այդ թվում՝ իսլամիստական ​​«Բոկո Հարամ» խմբավորման անդամներին, հաջողվել է փախչել բանտի պատերից մեկի փլուզումից հետո՝ ջրի հզոր հոսքի պատճառով, փոխանցում է DW-ն։ Փախածներից ոմանք, ըստ Աբուբաքարի, արդեն բռնվել են։ Մնացած փախածների ինքնությունը հրապարակվել է, և նրանց որոնումները շարունակվում են: Արևմտյան և Կենտրոնական Աֆրիկայում սաստիկ ջրհեղեղները տասնյակ հազարավոր շենքերի ավերման պատճառ են դարձել: Աղետների կառավարման NEMA գործակալության վերջին տվյալների համաձայն՝ Նիգերիայում շաբաթներ շարունակվող ջրհեղեղները հանգեցրել են 386,000 մարդու տարհանման և 229 նիգերիացիների մահվան: