News - Հայաստանի Փաշինյանը՝ Զուրաբ Պոլոլիկաշվիլիին. Տարածաշրջանային զբոսաշրջային փաթեթները պետք է մշակվեն

Վարչապետ Նիկոլ Փաշինյանն ընդունել է ՄԱԿ-ի զբոսաշրջության գլխավոր քարտուղար Զուրաբ Պոլոլիկաշվիլիին։ Այս մասին հայտնում են վարչապետի աշխատակազմից։ Վարչապետն ընդգծել է ՀՀ կառավարության և ՄԱԿ-ի Զբոսաշրջության համագործակցության հետևողական զարգացումը և այս ոլորտում համատեղ ծրագրերի իրականացումը։ Նշելով, որ զբոսաշրջության ոլորտն առանցքային նշանակություն ունի Հայաստանի կառավարության համար, վարչապետն ընդգծել է նաև տարածաշրջանային զբոսաշրջային փաթեթների մշակման անհրաժեշտությունը։ Պոլոլիկաշվիլին իր հերթին նշել է, որ Հայաստանն ունի զբոսաշրջության ոլորտի զարգացման մեծ ներուժ, և այդ առումով նա ընդգծեց այս օրերին Հայաստանում անցկացվող Գինու տուրիզմի համաշխարհային փառատոնը։ ՄԱԿ-ի զբոսաշրջության գլխավոր քարտուղարի խոսքով՝ այս միջոցառումը նպաստում է նաև զբոսաշրջության զարգացմանը Հայաստանի մայրաքաղաք Երևանից դուրս։ Զրուցակիցները կարեւորեցին Հայաստանի զբոսաշրջության ներդրումային ուղեցույցի մշակման ուղղությամբ տարվող աշխատանքները, որի շնորհանդեսը տեղի կունենա այսօր երեկոյան։