News - ԱՄՆ-ն ավելի քան կրկնապատկում է Հայաստանի ֆինանսավորման շեմը՝ հասցնելով 250 մլն դոլարի

Փոխվարչապետ Մհեր Գրիգորյանը և ԱՄՆ Միջազգային զարգացման գործակալության (USAID)/Հայաստանի առաքելության տնօրեն Ջոն Ալելոն ստորագրել են Հայաստանի և ԱՄՆ-ի միջև զարգացման համագործակցության դրամաշնորհային համաձայնագրի փոփոխությունը։ ՀՀ կառավարությունից հայտնում են, որ արդյունքում ԱՄՆ ՄԶԳ համաձայնագրի շրջանակներում Հայաստանին տրամադրվող գումարի շեմն ավելի քան կրկնապատկվել է՝ $120 մլն-ից հասնելով $250 մլն-ի, և ընդլայնվում են համատեղ նախագծերի տիրույթները։ NEWS.am. Ընդլայնված համաձայնագիրը կներառի այնպիսի հիմնական ոլորտներ, ինչպիսիք են աղետների ռիսկի կառավարումը, կիբերանվտանգությունը, պարենային և էներգետիկ անվտանգությունը, տարածաշրջանային համագործակցությունը և առևտուրը, ժողովրդավարական գործընթացները և ներառական տնտեսական զարգացումը: «Հայաստանի համար կարևորը ոչ միայն ֆինանսական աջակցությունն է, այլ նաև մեր համատեղ ծրագրերի արդյունքում առաջ մղվող ժողովրդավարական արժեքները, ստեղծագործ գաղափարները, զարգացած բիզնես մշակույթը: Վերջիններիս ներդրումը մեր երկրում հնարավորություն է տալիս հիմնարար բարեփոխումներ իրականացնել և բարձրացնել քաղաքացիների կյանքի որակը»,- ​​ասաց փոխվարչապետ Մհեր Գրիգորյանը՝ շնորհակալություն հայտնելով ԱՄՆ-ին՝ Հայաստանի հավակնոտ բարեփոխումների օրակարգի իրականացմանն աջակցելու համար։ Այս փոփոխությունը ցույց է տալիս ԱՄՆ-ի հավատարմությունը Հայաստանի հետ գործընկերությանը: Մեծացնելով ԱՄՆ-ի աջակցության չափը և ընդլայնելով իր ծրագրերը՝ նա օգնում է Հայաստանին զարգանալ և հաջողության հասնել։ ԱՄՆ-ի աշխատանքը Հայաստանի կառավարության և նախարարությունների հետ վճռորոշ դեր ունի իր ընդհանուր նպատակներին հասնելու համար, ասաց ԱՄՆ ՄԶԳ/Հայաստան առաքելության տնօրեն Ջոն Ալելոն։