News - Ադրբեջանի պաշտպանության նախարարության նպատակը միջազգային հանրությանը` Արցախի ՊԲ-ին մոլորեցնելն է
Business Strategy
Ադրբեջանի պաշտպանության նախարարության նպատակը միջազգային հանրությանը` Արցախի ՊԲ-ին մոլորեցնելն է
Ողջ օրվա ընթացքում Ադրբեջանի պաշտպանության նախարարությունը փորձում էր հիմնավորել իր կեղծ պնդումը, թե իբր ադրբեջանական զինուժը կրակ չի բացել քաղաքացիական ենթակառուցվածքների և խաղաղ բնակչության վրա։ Այս մասին հայտնում է Արցախի ՊԲ-ն։ «Ադրբեջանի պաշտպանության նախարարության տեղեկատվական քաղաքականության նպատակը միջազգային հանրությանը մոլորեցնելն է, պաշտոնական տվյալներով կան նաև քաղաքացիական զոհեր։ Ադրբեջանական քարոզչամեքենայի կիրառած տեղեկատվական հնարքների արդյունքում բազմաթիվ սխալ կամ կեղծ տեղեկություններ են տարածվել նաև հայկական սոցիալական ցանցերում։ ՊԲ մամուլի ծառայությունը հորդորում է հետևել միայն պաշտոնական աղբյուրներին»,- ասված է Արցախի ՊԲ հաղորդագրության մեջ։ Այսօր ավելի վաղ Ադրբեջանի զինված ուժերը ռազմական ագրեսիա են սանձազերծել Լեռնային Ղարաբաղի դեմ՝ կիրառելով հրետանի և այլ ծանր զինատեսակներ։ Նրանք փորձել են ներթափանցել Լեռնային Ղարաբաղի պաշտպանության ուժերի պաշտպանության գծի խորքը։ Լեռնային Ղարաբաղի մայրաքաղաք Ստեփանակերտն այժմ ենթարկվել է ուժգին գնդակոծության։ Լեռնային Ղարաբաղի Մարդու իրավունքների պաշտպան Գեղամ Ստեփանյանը հայտնել է, որ խաղաղ բնակչության շրջանում կան բազմաթիվ զոհեր և վիրավորներ, այդ թվում՝ երեխաներ։
About usyoo
Categories
Tags
