News - Ադրբեջանում ավարտվել է բանտարկված Ղարաբաղի ղեկավարների հետաքննությունը

Լեռնային Ղարաբաղի կալանավորված ռազմաքաղաքական ղեկավարության հետաքննությունն ավարտվել է, գործի նյութերը շուտով կուղարկվեն ադրբեջանական դատարան, NEWS.ru-ին տված հարցազրույցում ասել է Ադրբեջանի գլխավոր դատախազ Քյամրան Ալիևը։ «Այժմ այդ բոլոր քննչական միջոցառումների անցկացումը կիրականացվի դատարանում՝ միջազգային նորմերին և Ադրբեջանի քրեական իրավունքին համապատասխան»,- հավելել է Ալիևը։ Պաշտոնական տվյալներով՝ Ադրբեջանում կա 22 հայ գերի, որոնցից 17-ը գերեվարվել են 2023 թվականին Լեռնային Ղարաբաղում Ադրբեջանի կողմից իրականացված ռազմական ագրեսիայի արդյունքում։ Նրանց թվում են Լեռնային Ղարաբաղի նախկին նախագահներ Արկադի Ղուկասյանը, Բակո Սահակյանը և Արայիկ Հարությունյանը, նախկին պետնախարար Ռուբեն Վարդանյանը, ՊԲ նախկին հրամանատար Լևոն Մնացականյանը և նախկին փոխհրամանատար Դավիթ Մանուկյանը, նախկին արտգործնախարար Դավիթ Բաբայանը։