News - Փոխարտգործնախարար. Հայաստանը խաղաղության պայմանագրի 10-րդ փաթեթն է ուղարկել Ադրբեջան
Business Strategy
Փոխարտգործնախարար. Հայաստանը խաղաղության պայմանագրի 10-րդ փաթեթն է ուղարկել Ադրբեջան
Հայաստանը ադրբեջանական կողմին է ուղարկել Հայաստանի և Ադրբեջանի միջև խաղաղության պայմանագրի տասներորդ փաթեթը։ Այս մասին Պրահայում GLOBSEC ֆորումի շրջանակներում անցկացված «Հայաստան և ԵՄ. առաջնահերթություններ, գործընկերություններ և առաջնահերթություններ» պանելային քննարկման ժամանակ հայտարարեց ՀՀ փոխարտգործնախարար Վահան Կոստանյանը։ ՀՀ ԱԳ փոխնախարարն իր խոսքում անդրադարձավ Հայաստանի արտաքին քաղաքականությանը՝ այս առումով կարևորելով Հայաստանի ինքնիշխանության, միջազգային սահմանների և ժողովրդավարության պաշտպանությանն ուղղված դիվերսիֆիկացումը։ ԵՄ-ի հետ համագործակցության համատեքստում Վահան Կոստանյանն ընդգծել է Հայաստանի և ԵՄ անդամ երկրների միջև ակտիվ քաղաքական երկխոսության և համագործակցության ամուր հիմքի կարևորությունը՝ ընդգծելով գործընկերության խորացման էական հեռանկարները ինչպես երկկողմ ձևաչափով, այնպես էլ ԵՄ հարթակում։ Փոխարտգործնախարարը բարձր է գնահատել Հայաստան-Եվրամիություն հարաբերությունների ներկա դինամիկան, ընդգծել Հայաստան-ԵՄ համագործակցության խորացման և Հայաստանի դիմադրողականության ամրապնդմանն ու ժողովրդավարական բարեփոխումների իրականացմանն ուղղված նոր օրակարգի ձևավորման կարևորությունը: Ընդգծվել է Հայաստան-ԵՄ Համապարփակ և ընդլայնված գործընկերության համաձայնագրի (ՀԸԳՀ) նշանակությունը և դրա իրականացումը սոցիալ-տնտեսական մարտահրավերների լուծման համատեքստում: Անդրադարձ է կատարվել նաև տարածաշրջանային զարգացումներին։ Փոխնախարարը բարձր է գնահատել Հայաստանում ԵՄ առաքելության դերը տարածաշրջանում անվտանգության և կայունության ապահովման առումով։ Անդրադառնալով Հայաստանի և Ադրբեջանի միջև հարաբերությունների կարգավորման գործընթացին՝ Վահան Կոստանյանը նշեց, որ Հայաստանը ադրբեջանական կողմին է ուղարկել Հայաստանի և Ադրբեջանի միջև խաղաղության պայմանագրի տասներորդ փաթեթը։ Փոխարտգործնախարարը վերահաստատել է Հայաստանի պատրաստակամությունը՝ խաղաղություն հաստատել Հարավային Կովկասում և տարածաշրջանում։ Հայաստանի փոխարտգործնախարարը ներկայացրել է Հայաստանի Հանրապետության կառավարության կողմից մշակված «Խաղաղության խաչմերուկ» նախագիծը՝ վերահաստատելով Հայաստանի պատրաստակամությունը՝ ապաշրջափակելու տարածաշրջանային տրանսպորտային հաղորդակցությունները՝ հիմնվելով ինքնիշխանության, իրավասության, փոխադարձության և իրավահավասարության սկզբունքների վրա։
About usyoo
Categories
Tags
