News - Վարչապետը կտրել է Ադրբեջանի սահմանին գտնվող Կիրանց գյուղի նորակառույց դպրոցի կարմիր ժապավենը

ՀՀ վարչապետ Նիկոլ Փաշինյանը տիկնոջ՝ Աննա Հակոբյանի հետ երկուշաբթի այցելել է Տավուշի մարզի Կիրանց գյուղ։ Նրանք եղան գյուղի նորակառույց դպրոցում և կտրեցին նրա կարմիր ժապավենը։ Ավելի վաղ NEWS.am-ը հայտնել էր, որ վարչապետի այցին ընդառաջ դպրոցի հարակից տարածքում արդեն ոստիկանության հատուկ ջոկատայիններ են։ Ադրբեջանի սահմանից ընդամենը մի քանի մետր հեռավորության վրա գտնվող դպրոցի նորակառույց շենքը պատրաստ է շահագործման, և այժմ տարածքը մաքրվում է։ Փաշինյանի այցից մի քանի ժամ առաջ անվտանգության աշխատակիցները դպրոցից հեռացրել էին բոլոր աշխատակիցներին ու լրագրողներին՝ տարածքը զննելու համար։ Բաժանարար պատ էր կառուցվել, որպեսզի այս դպրոց հաճախող երեխաները բառացիորեն չհայտնվեն ադրբեջանցի սահմանապահների աչքի առաջ։