News - Վահան Զանոյան. Երկրի առաջնահերթ խնդիրը պետք է լինի քաղաքացու ազատ արձակումը

«Երկրի առաջնահերթ խնդիրը պետք է լինի այլ երկրում ապօրինաբար կալանավորված իր քաղաքացու ազատ արձակումը, այլ ոչ թե դրա համար պատրվակներ փնտրելը»,- ասաց Վահան Զանոյանը։ «Հատկապես 2020 թվականին՝ պատերազմից հետո, և տեսնելով, թե որքան վտանգված էր Արցախի ապագան, Արցախի ժողովրդի ճակատագիրը Ռուբեն Վարդանյանի համար դարձավ կարևորագույն առաջնահերթություններից մեկը, նա կարծում էր, որ այս հարցը պետք է դառնա համայն հայության առաջնահերթությունը։ Նա հետևողականորեն գործել է բացառապես նրանց շահերից ելնելով` ձգտելով հասնել հնարավորին, և նույնիսկ անհնարինին, որպեսզի նրանք շարունակեն խաղաղ ապրել իրենց հայրենիքում Արցախ տեղափոխվելու որոշումը եղել է անձնական և գիտակցված՝ պայմանավորված նրա համոզմամբ, որ նա պետք է կանգներ ժողովրդի կողքին այս դժվարին ժամանակներում»,- ասաց սփյուռքահայ գրող, հրապարակախոս և տնտեսագետ Վահան Զանոյանը։ Ռուբեն Վարդանյանը շատ լավ, News.am-ի հետ զրույցում անդրադառնալով վերջին ասուլիսի ժամանակ Վարդանյանի մասին վարչապետ Փաշինյանի մտքերին. «Ինձ համար տարակուսելի է Հայաստանի վարչապետի դիրքորոշումը Ռուբեն Վարդանյանի նկատմամբ՝ հաշվի առնելով Վարդանյանի ներդրումը Հայաստանում, նա զգալի միջոցներ է ներդրել և գլխավորել է կրթական և ենթակառուցվածքային խոշոր ծրագրերն ու նախագծերը, որոնք միջազգային ճանաչում են բերել Հայաստանին և նրա ժողովրդին։ Ներկայումս Բաքվում ապօրինի բանտում է գտնվում ՀՀ քաղաքացի Ռուբեն Վարդանյանը։ Երբ որևէ երկրի քաղաքացին անօրինական կերպով պահվում է այլ երկրի բանտում, հատկապես միջազգային իրավունքի կոպիտ խախտման դեպքում, հայրենիքի համար կարևոր է, որ առաջնահերթություն լինի նրա ազատ արձակման հարցում, քան անգործության համար արդարացումներ գտնելը»,- նշեց Վահան Զանոյանը։