Եվրամիության արտաքին քաղաքականության պատասխանատու Խոսեպ Բորելը գործընկեր երկրներին կոչ է արել չսահմանափակել Ուկրաինային մատակարարվող զենքի օգտագործումը։ Խոսքը վերաբերում է Ռուսաստանի վրա հարձակմանը, հաղորդում են il Messaggero-ն և Tagesschau-ը: Բորելը նման հայտարարություն է արել Բրյուսելում Ուկրաինայի արտգործնախարար Դմիտրի Կուլեբային ողջունելով՝ ԵՄ երկրների արտգործնախարարների հետ ոչ պաշտոնական հանդիպման ժամանակ։ «Մենք պետք է չեղարկենք ռուսական ռազմական թիրախների դեմ [Ուկրաինա մատակարարվող] սպառազինության օգտագործման սահմանափակումները՝ միջազգային իրավունքին համապատասխան», - ասել է Բորելը։ ԵՄ գլխավոր դիվանագետը նաև կոչ է արել եվրոպական երկրներին ավելի շատ ռազմական օգնություն տրամադրել Ուկրաինային և մտահոգություն հայտնել Գերմանիայի կողմից այդ օգնության հնարավոր կրճատման կապակցությամբ։