News - ԱԳ նախարարի գլխավորությամբ քննարկվել են Հայաստանի արտաքին քաղաքականության օրակարգային առաջնահերթությունները (ֆոտո)

ԱԳՆ-ից NEWS.am-ը տեղեկանում է, որ երեքշաբթի օրը Դիլիջանում շարունակվել է ՀՀ արտաքին գործերի նախարարության կենտրոնական ապարատի վարչական անձնակազմի և արտերկրում Հայաստանի դիվանագիտական ​​ներկայացուցչությունների ղեկավարների տարեկան աշխատաժողովը։ ԱԳ նախարար Արարատ Միրզոյանի գլխավորած միջոցառմանը քննարկվել են Հայաստանի արտաքին քաղաքական օրակարգի առաջնահերթ խնդիրները, մտքեր են փոխանակվել տարածաշրջանային և միջազգային զարգացումների և առկա մարտահրավերների շուրջ։ Ներկաներն անդրադարձան նաև Հայաստանի միջազգային գործընկերների հետ երկկողմ համագործակցության ընթացիկ ծրագրերին, գործընկերության խորացման հնարավոր հեռանկարներին, ինչպես նաև բազմակողմ հարթակներում փոխգործակցությանը։