Հայաստանի արտաքին գործերի նախարար Արարատ Միրզոյանը երեքշաբթի հեռախոսազրույց է ունեցել Սլովենիայի փոխվարչապետ, արտաքին գործերի և եվրոպական հարցերի նախարար Տանյա Ֆաջոնի հետ։ ԱԳՆ-ից NEWS.am -ին հայտնում են, որ զրուցակիցները քննարկել են երկկողմ օրակարգի հարցերի առաջխաղացման ուղղությամբ ընթացիկ քայլերը, անդրադարձել իրականացվող ծրագրերին։ Նախարարները նաև պայմանավորվել են շարունակել ակտիվ քաղաքական երկխոսությունն ու շփումները՝ ապահովելու այցերի շարունակականությունը և ներգրավվածությունը փոխադարձ հետաքրքրություն ներկայացնող հարթակներում։