Ուկրաինայի զինված ուժերի անօդաչու սարքերը հարձակվել են Ռուսաստանի Սարատով և Էնգելս քաղաքների բնակելի շենքերի վրա, հայտնել է Սարատովի մարզի նահանգապետ Ռոման Բուսարգինը։ Էնգելսի շրջանի Պրիբրեժնի գյուղում չորս առանձնատուն է վնասվել։ Իսկ հրետակոծության հետեւանքով մեկ մարդ ծանր վիրավորվել է։ «Մի կին ծանր վիճակում հոսպիտալացվել է, բժիշկները պայքարում են նրա կյանքի համար»,- գրել է Սարատովի նահանգապետը Telegram-ում։ Բուսարգինը վստահեցնում է, որ բոլոր անօդաչու սարքերը խոցվել են հակաօդային պաշտպանության համակարգերով, իսկ բեկորները, իբր, ընկել են տների վրա։ Ուկրաինայի զինված ուժերը երկուշաբթի վաղ առավոտյան ընդհանուր առմամբ 20 անօդաչու թռչող սարք են ուղարկել Ռուսաստանի դեմ։ Տուժել են Սարատովի, Կուրսկի, Բելգորոդի, Բրյանսկի, Տուլայի, Օրյոլի և Ռյազանի շրջանները։ ՌԴ պաշտպանության նախարարության տվյալներով՝ բոլոր անօդաչու թռչող սարքերը խոցվել են ռուսական հակաօդային պաշտպանության համակարգի կողմից։ Իր հերթին, Բելգորոդի նահանգապետ Վյաչեսլավ Գլադկովը Telegram-ում գրել է, որ երկու անօդաչու թռչող սարքեր հարձակվել են ավտոմայրուղու վրա գտնվող մարդատար մեքենայի վրա, ինչի հետևանքով երկու խաղաղ բնակիչ վիրավորվել է։