News - Արցախում վիրավորվել է 35 խաղաղ բնակիչ՝ 13 երեխա, 15 կին և 7 տղամարդ

Ժամը 03։00-ի դրությամբ, Մարդու իրավունքների պաշտպանի գրասենյակ ստացած տեղեկատվության համաձայն՝ Արցախում խաղաղ բնակչության շրջանում կա 35 վիրավոր՝ 13 երեխա, 15 կին և 7 տղամարդ։ Արցախի ՄԻՊ Գեղամ Ստեփանյանը X-ում (նախկին Twitter) իր միկրոբլոգում գրել է. Ըստ ՄԻՊ-ի՝ Արցախում ադրբեջանական ագրեսիայի հետևանքով խաղաղ բնակչության զոհերի թիվը հասել է 7-ի, այդ թվում՝ 3 կին, 2 երեխա և 2 տղամարդ։ Ինչպես ավելի վաղ հայտնել էր NEWS.am-ը, սեպտեմբերի 19-ին՝ ժամը 13.00-ից, Լեռնային Ղարաբաղի շփման գծի ողջ երկայնքով Ադրբեջանի զինված ուժերը հրետանային կրակ են բացել՝ փորձելով ճեղքել Լեռնային Ղարաբաղի պաշտպանության ուժերի պաշտպանական գիծը։ Այս պահին Լեռնային Ղարաբաղի մայրաքաղաք Ստեփանակերտը և այլ բնակավայրեր ենթարկվում են ուժեղ հրետակոծությունների։ Լեռնային Ղարաբաղի Մարդու իրավունքների պաշտպան Գեղամ Ստեփանյանը արձանագրել է բազմաթիվ զոհեր և վիրավորներ խաղաղ բնակիչների, այդ թվում՝ երեխաների շրջանում։ Սեպտեմբերի 20-ի դրությամբ Լեռնային Ղարաբաղի շփման գծում տարբեր ինտենսիվությամբ մարտերը շարունակվում են։ Ադրբեջանի զինված ուժերի ստորաբաժանումները տարբեր զինատեսակներ են օգտագործում ոչ միայն իրենց դիրքային առաջխաղացումը պահպանելու, այլև քաղաքացիական ենթակառուցվածքները թիրախավորելու համար։