ԱՄՆ-ում գործող Renew Democracy Initiative (RDI) կազմակերպությունը, որը գլխավորում է շախմատի աշխարհի նախկին չեմպիոն Գարրի Կասպարովը, սկսել է գերմանական պատասխանատվության արշավը, գրում է Bild-ը։ Նպատակն է դիմել Գերմանիայի կանցլեր Օլաֆ Շոլցին՝ Ուկրաինային անհրաժեշտ ռազմական օգնություն ցուցաբերելու խնդրանքով։ RDI-ն ամբողջ էջով գովազդ է տվել Bild-ին, որն ընտրվել է որպես ամբողջ Եվրոպայում ամենաշատ տարածվող պարբերականը։ «Ժամանակին Գերմանիան աշխարհը հասցրեց դեպի անդունդ: Կանցլեր Շոլց, թույլ մի տվեք, որ դա կրկնվի: Տվեք Ուկրաինային այն ռազմական օգնությունը, որը նրան իսկապես անհրաժեշտ է»,- ասված է, մասնավորապես, Կասպարովի ստորագրած խնդրագրում։