Ադրբեջանի ՊՆ-ն ապատեղեկատվություն է տարածում, նշել են Հայաստանի ՊՆ-ից։ Ադրբեջանի ՊՆ տարածած հայտարարությունը, թե օգոստոսի 18-ին՝ ժամը 23:50-ի սահմաններում, Հայաստանի ԶՈւ ստորաբաժանումները կրակել են սահմանի արևելյան հատվածում տեղակայված ադրբեջանական մարտական դիրքերի ուղղությամբ, չի համապատասխանում իրականությանը։ Նշենք, որ ՀՀ վարչապետի գրասենյակն առաջարկել է ստեղծել հրադադարի ռեժիմի խախտումների և/կամ հարակից դեպքերի հետաքննության հայ-ադրբեջանական համատեղ մեխանիզմ։