Հանրապետության նախագահ Վահագն Խաչատուրյանը շնորհավորական ուղերձ է հղել Հնդկաստանի նախագահ Դրուպադի Մուրմուին՝ վերջինիս Անկախության օրվա առթիվ։ «Անկախությունից ի վեր Հնդկաստանը տպավորիչ արդյունքների է հասել ժողովրդավարական պետության կառուցման, շարունակական տնտեսական աճի և գիտության արդիականացման ապահովման, տարբեր ոլորտներում առաջընթացի ապահովման գործում: Վստահ եմ, որ Հնդկաստանի պատասխանատու դերը միջազգային ասպարեզում ներկայումս կծառայի ի շահ համընդհանուր կայունություն և հավասարակշռություն: Հայաստանը մեծ նշանակություն է տալիս Հնդկաստանի հետ բազմաոլորտ համագործակցության հետևողական զարգացմանը։ Լիահույս եմ, որ մեր երկրների միջև բարեկամական հարաբերությունները՝ հիմնված ընդհանուր արժեքների, փոխադարձ հարգանքի և վստահության վրա, ավելի կխորանան և կամրապնդվեն՝ ի շահ մեր ժողովուրդների»,- ասված է նախագահ Վահագն Խաչատուրյանի ուղերձում։