Ծառայությունների ներմուծումը Հայաստան 2024 թվականի առաջին եռամսյակում աճել է 17,2 տոկոսով, իսկ արտահանումը 3 տոկոսով՝ 2023 թվականի առաջին եռամսյակի համեմատ, հայտնում է Եվրասիական տնտեսական հանձնաժողովը։ Իսկ ահա ծառայությունների առևտրի դրական հաշվեկշիռը Հայաստանում նախորդ տարվա համապատասխան ժամանակահատվածի համեմատ նվազել է 19,1 տոկոսով։ Եվրասիական տնտեսական հանձնաժողովը Եվրասիական տնտեսական միության գործադիր մարմինն է։