Իսրայելն արգելել է իր զինծառայողներին մնալ Ադրբեջանում և Վրաստանում՝ Իրանի սպառնալիքի պատճառով, հայտնում է Իսրայելի «Կան» պետական հեռուստառադիոընկերությունը, փոխանցում է ՏԱՍՍ-ը։ Ըստ իսրայելական բանակի ղեկավարության համապատասխան հրամանի՝ զինվորական ծառայության մեջ գտնվող իսրայելցիները, ովքեր ինչ-ինչ պատճառներով այժմ գտնվում են Հարավային Կովկասի այդ երկու երկրներում, պարտավոր են անհապաղ վերադառնալ Իսրայել, հայտնել է Կանը։ Նշվել է, որ Վրաստանն ու Ադրբեջանը գտնվում են Իրանի մոտ, նրանց տարածքում ապրում են իրանցիներ, ինչպես նաև, Ադրբեջանը ընդհանուր սահման ունի Իրանի հետ։