Եվրամիության խորհուրդը հավանություն է տվել ավելի վաղ ԵՄ դեսպանների կողմից համաձայնեցված որոշմանը, որով Ուկրաինային մոտ 4,2 միլիարդ եվրո օգնություն է հատկացվել երկրի աջակցության հիմնադրամից: Այս մասին իր X էջում հայտնել է խորհրդի Հունգարիայի նախագահությունը։ Գրառման մեջ ասվում էր, որ ավարտելով գրավոր ընթացակարգը՝ խորհուրդը օգոստոսի 6-ին որոշել է կատարել առաջին վճարումը։ Խորհուրդը նաև նշել է, որ այս որոշումը աջակցում է Ուկրաինայի մակրոֆինանսական կայունությանը և նրա պետական կառավարման գործունեությանը։