«Արևորդի» ՀԿ-ի և Ucom-ի համագործակցության արդյունքում Տավուշի մարզի Բերդ համայնքի Ծաղկավան գյուղի մանկապարտեզի տանիքներին տեղադրվել են 11,02 կՎտ դրվածքային հզորությամբ արևային մարտկոցներ։ Այս վահանակներից ստացվող էներգիան կփակի մանկապարտեզի էլեկտրաէներգիայի ողջ ծախսերը և կնվազեցնի ջեռուցման ծախսերը՝ թույլ տալով մանկապարտեզին խնայողությունները հատկացնել այլ անհրաժեշտ կարիքների համար: Մանկապարտեզների գործառնական ծախսերի կրճատումը շատ կարևոր է, քանի որ համայնքային միջոցները հաճախ չեն կարողանում ապահովել երեխաների համար լավագույն պայմանները: Ինչպես նշեցին համայնքի ներկայացուցիչները, նման ներդրումները զգալիորեն թեթեւացնում են ֆինանսական բեռը։ «Սա առաջին արևային էլեկտրակայանը չէ, որը մենք տեղադրել ենք մարզային համայնքներում «Արևորդի» ՀԿ-ի հետ համագործակցությամբ։ Յուրաքանչյուր նախագիծ մեզ բերում է հսկայական երջանկություն, քանի որ մենք տեսնում ենք դրական ազդեցություն մարդկանց կյանքի որակի վրա: Այս նախաձեռնությունը օգուտ է տալիս և՛ շրջակա միջավայրին, և՛ համայնքի բյուջեին: Խնայելով էլեկտրաէներգիայի ծախսերը՝ բնակիչները կարող են լուծել ավելի հրատապ խնդիրներ: Սա Ucom-ի՝ մարզերի մարդկանց մասին հոգալու ձևն է»,- նշեց Ucom-ի գլխավոր տնօրեն Ռալֆ Յիրիկյանը։ «Արևորդի» ՀԿ-ի և Ucom-ի միջև այս համագործակցությունը երկու հիմնարար լուծում է տալիս համայնքին. Այս ծրագիրը նաև ցույց է տալիս, թե ինչպես կարող են տեղական լուծումները տնտեսապես շահավետ լինել՝ արժեքավոր օրինակ հանդիսանալով համայնքի հետագա զարգացման համար»,- ասաց «Արևորդի» ՀԿ տնօրեն Սոնա Քալանթարյանը։ «Ուզում եմ շնորհակալություն հայտնել «Յուքոմ» և «Արևորդի» ՀԿ-ին այս արևային մարտկոցները մեր մանկապարտեզում տեղադրելու համար։ Այս վահանակները հսկայական օգնություն են եղել մեր համայնքին: Ջեռուցումը մեր օրերում շքեղություն է, և մենք արդեն պայմանավորվել ենք մեր համայնքի ղեկավարի հետ՝ խնայողությունները օգտագործել մանկապարտեզի շրջակայքը վերանորոգելու համար։ Մինչ այս Ծաղկավանում արևային մարտկոցներ չկային, և հուսով եմ, որ սա հիանալի օրինակ է գյուղացիների համար՝ խրախուսելով նրանց ընդունել այս հիանալի լուծումները իրենց տների համար»,- ասաց Բերդ համայնքի Ծաղկավան բնակավայրի վարչական ղեկավար Իսկանդար Մեհրաբյանը։ Սա Ucom-ի և «Արևորդի» ՀԿ-ի համագործակցության նոր փուլի շրջանակներում այս տարի տեղադրվող երկրորդ արևային էլեկտրակայանն է։