Ամերիկյան վարչակազմը նպաստել է Ռուսաստանի և Չինաստանի մերձեցմանը, համոզված է ԱՄՆ նախկին նախագահ Դոնալդ Թրամփը։ Հենց նրանք էլ ստիպեցին Ռուսաստանին ու Չինաստանին մերձենալ։ Ամեն ինչ սկսվեց ԱՄՆ նախկին նախագահ, դեմոկրատ Բարաք Օբամայից, Fox News-ին տված հարցազրույցում ասել է հանրապետական Թրամփը։ Նաև Թրամփը պնդում էր, որ լավ հարաբերություններ ունի Ռուսաստանի նախագահ Վլադիմիր Պուտինի հետ։ Թրամփի խոսքով՝ Ռուսաստանը երբեք չէր սկսի իր հատուկ ռազմական գործողությունն Ուկրաինայում, եթե նա մնար ԱՄՆ-ում իշխանության ղեկին։ ԱՄՆ նախագահի Հանրապետական կուսակցության թեկնածուն հավելել է, որ այդ մասին խոսել է Պուտինի հետ։