Երեք հայ՝ 36-ամյա Կարենը, 31-ամյա Վիգենը և նրանց 20-ամյա եղբորորդին խեղդվել են Ռուսաստանի Անապայի մերձակայքում գտնվող մասնավոր լճում։ Վթարը տեղի է ունեցել նախորդ գիշեր՝ գինու գործարանի տարածքում, հայտնել է Կրասնոդարի երկրամասի արտակարգ իրավիճակների ծառայության աղբյուրը, փոխանցում է «Ինտերֆաքս»-ը։ Ենթադրվում է, որ նրանք ընկել են հիդրոցիկլից և խեղդվել: Այս վայրը անվտանգ չէ լողալու համար։ Voice Mag-ը նշում է զոհերի անուններն ու տարիքը՝ հավելելով, որ ողբերգությունը տեղի է ունեցել նրանց ընտանիքի անդամների աչքի առաջ։ Միջադեպը ֆիքսվել է տեսանյութով, որում երեւում է, թե ինչպես է մանեւրից հետո կտրուկ պտտվում ռեակտիվ հիդրոցիկլը, որի վրա առանց փրկարար բաճկոնների նստած են երեք մարդ, ինչի արդյունքում բոլորն ընկնում են ջուրը։ Ինչպես պարզվել է, երեքն էլ խեղդվել են, քանի որ նրանցից կրտսերը լողալ չգիտեր և ցած է քաշել իր երկու հարազատներին, ովքեր փորձել են փրկել իրեն։ Բոլոր մահացածների մարմինները հայտնաբերվել են երկուշաբթի գիշերը։ 20-ամյա սպանվածը Վրաստանի քաղաքացի էր։