Հայաստանի վարչապետ Նիկոլ Փաշինյանն աշխատանքային այցով ժամանել է Իրան։ Թեհրանի «Մեհրաբադ» միջազգային օդանավակայանում Փաշինյանին դիմավորել է Իրանի փոխնախագահ, վերջինիս պլան-բյուջետային կազմակերպության ղեկավար, Հայաստան-Իրան միջկառավարական համատեղ հանձնաժողովի համանախագահ Դավուդ Մանզուրը։ Հայաստանի վարչապետը կհանդիպի Իրանի նորընտիր նախագահ Մասուդ Պեզեշկիանի հետ։ Այնուհետև Փաշինյանը ներկա կլինի նորընտիր նախագահի երդմնակալության արարողությանը։