Հայաստանի վարչապետ Նիկոլ Փաշինյանը Թեհրանում հանդիպել է Իրանի Իսլամական հեղափոխության գերագույն առաջնորդ Սեյյեդ Ալի Խամենեիի հետ։ Վարչապետի գրասենյակից NEWS.am -ին հայտնում են, որ Խամենեին շնորհակալություն է հայտնել Փաշինյանին Իրանի նորընտիր նախագահի երդմնակալության արարողությանը մասնակցելու նպատակով Թեհրան այցելելու համար։ Զրուցակիցները համոզմունք են հայտնել, որ Հայաստանն ու Իրանը կշարունակեն քայլեր ձեռնարկել իրենց ջերմ և բարեկամական հարաբերությունների զարգացման ուղղությամբ՝ ի շահ երկու երկրների և ժողովուրդների առաջընթացի։