Իսպանիայի քաղաքացիական գվարդիան դադարեցրել է միջազգային հանցավոր խմբի գործունեությունը, որը ներգրավված է եղել Բարսելոնայի նավահանգստի և եվրոպական որոշ այլ նավահանգիստների միջոցով մեծ քանակությամբ կոկաինի ներկրման մեջ, ասվում է իսպանական իրավապահ մարմինների մամուլի հաղորդագրությունում։ Նրանց տվյալներով՝ 2023 թվականին ոստիկանությունը հետաքննություն է սկսել Պարագվայից մայրաքաղաք բրնձով տարաներ տեղափոխող իսպանական ընկերության դեմ։ Ստուգումներից մեկի ժամանակ քաղաքացիական գվարդիան հայտնաբերել է բրնձի պարկերում թաքցված ավելի քան 4 տոննա կոկաին։ Սա Բարսելոնայի նավահանգստում առգրավված այս թմրանյութի ամենամեծ խմբաքանակն է մինչ օրս: Այս գործողության ընթացքում ձերբակալվել է խմբի 10 անդամ։ Հետաքննության շրջանակներում Պարագվայի ոստիկանությունը նաև առգրավել է մոտավորապես 3,3 տոննա կոկաին։ Բացի այդ, դեռ մարտին ոստիկանությունը Մեծ Բրիտանիայում առգրավել էր 2,1 տոննա թմրանյութ։