Ավելի քան 500 մարդ մեկ շաբաթվա ընթացքում ստիպված է եղել հատել Գվատեմալայի սահմանը՝ Մեքսիկայի հարավում բռնություններից խուսափելու համար, ասվում է Գվատեմալայի միգրացիոն ինստիտուտի (IGM) հայտարարության մեջ։ IGM-ն ավելացրել է, որ ստեղծել է աշխատանքային խումբ՝ այդ միգրանտներին մարդասիրական օգնություն տրամադրելու համար: Մեքսիկայի Չիապաս նահանգում, որը սահմանակից Գվատեմալային, վերջին շրջանում կտրուկ վատթարացել է հանցագործության իրավիճակը, հայտնում է El Universal-ը։ Բռնության աճ է գրանցվել Մեքսիկայի երկու խոշորագույն հանցավոր խմբավորումների՝ Սինալոա Կարտելի և Jalisco Cartel New Generation-ի միջև: Նրանք միմյանց դեմ պայքարում են Մեքսիկայի սահմանամերձ շրջանները վերահսկելու համար, որոնք օգտագործվում են թմրանյութերի, զենքի շրջանառության և կենտրոնական Ամերիկայի անօրինական միգրանտների կազմակերպման համար, որոնք այնուհետև գնում են հյուսիս՝ Մեքսիկայով, ԱՄՆ մուտք գործելու հույսով: