ԱՄՆ նախկին նախագահ Դոնալդ Թրամփը, ով կրկին առաջադրվում է Հանրապետական կուսակցությունից, կարծում է, որ երկիրը չի կառավարվում գործող նախագահ Ջո Բայդենի կողմից։ «Այժմ թվում է, որ Ջոն իր նախագահական լիազորությունները հանձնում է Վաշինգտոնի չընտրված բյուրոկրատներին: Նա նույնիսկ չի վստահում իր փոխնախագահին [Կամալա Հարիսին]: Ո՞Վ Է ՂԵԿԱՎԱՐՈՒՄ ԵՐԿԻՐԸ»,- գրել է Թրամփը Truth Social-ում։ Նա նաև նշել է, որ ԱՄՆ փոխնախագահ Քամալա Հարիսը, ով այժմ նույնպես առաջադրվում է նախագահի պաշտոնում, պետք է պատասխանի ամերիկացիներին, թե արդյոք «Ջո Բայդենը պիտանի է ղեկավարել ԱՄՆ-ը առաջիկա վեց ամիսների ընթացքում» իր պաշտոնավարման մնացած ժամանակահատվածում: ԱՄՆ գործող նախագահ Ջո Բայդենը հուլիսի 21-ին հայտարարել է, որ չի առաջադրվելու նոյեմբերին երկրի ղեկավարի պաշտոնում վերընտրվելու համար և աջակցություն է հայտնել փոխնախագահ Կամալա Հարիսին որպես Դեմոկրատական կուսակցության թեկնածու այս պաշտոնում առաջադրելուն։ Նա նաև խոստացել է առաջիկա օրերին պարզաբանումներ ներկայացնել իր՝ կրկին չառաջադրվելու որոշման վերաբերյալ։