Հայաստանի Հանրապետության «Հրապարակ» օրաթերթը, մասնավորապես, գրում է. «Ադրբեջանի նախագահ Իլհամ Ալիևի շաբաթ օրը օկուպացված Շուշիից արված հայտարարություններից պարզ է դարձել. որ, ի տարբերություն ՀՀ իշխանությունների հավաստիացումների, որ խաղաղության պայմանագրի ստորագրումը [Ադրբեջանի հետ] մոտ է, դա տեղի չի ունենա առնվազն առաջիկա 2 տարում։ Բանն այն է, որ Ալիևը որպես խաղաղության պայմանագրի ստորագրման նախապայման է դրել ՀՀ սահմանադրության փոփոխությունը, իսկ [ՀՀ վարչապետ Նիկոլ] Փաշինյանը սահմանադրական բարեփոխումների խորհրդին հանձնարարել է նոր սահմանադրության հայեցակարգը ներկայացնել 2026 թվականի դեկտեմբերին։ Մյուս նախապայմանը [Ադրբեջանի կողմից] Մինսկի խմբի լուծարումն է, որն ավելի քան 30 տարի զբաղվում է ղարաբաղյան խնդրով։