News - ՀՀ ԱԳՆ-ն դեռ չի հստակեցնում՝ արդյոք Արարատ Միրզոյանը կմեկնի Բաքու COP 29-ին

Ադրբեջանը Հայաստանի արտգործնախարար Արարատ Միրզոյանին հրավիրել է Բաքու՝ մասնակցելու նոյեմբերին կայանալիք COP 29 համաժողովին։ NEWS.am-ը ԱԳՆ-ից հետաքրքրվեց՝ արդյոք Հայաստանն ընդունե՞լ է հրավերը և մասնակցելո՞ւ է դրան։ «Եթե հարցին լուծում տրվի, մենք ձեզ կտեղեկացնենք»,- արձագանքել են ԱԳՆ-ից։ Ավելի վաղ Ադրբեջանի նախագահ Իլհամ Ալիևի օգնական Հիքմեթ Հաջիևը հայտնել էր, որ COP 29 համաժողովի նախագահ Մուխթար Բաբաևը պաշտոնական հրավեր է ուղարկել Հայաստանի արտգործնախարարին։ «Հաշվի առնելով, որ կողմերը չունեն դիվանագիտական ​​հարաբերություններ, Բաքվի այս քայլը ցույց է տալիս Ադրբեջանի բարի կամքը և ներառական մոտեցումը։ Հիմա Հայաստանի կառավարությունը պետք է որոշում կայացնի»,- ասել էր նա։ Հատկանշական է, որ COP 29-ին մասնակցելու հրավեր ուղարկվել է ոչ թե վարչապետ Փաշինյանին, այլ նաև Արարատ Միրզոյանին։ Մինչդեռ անցած ամիս ադրբեջանական մամուլում տեղեկություններ եղան, որ Նիկոլ Փաշինյանը մեկնելու է Բաքու, ինչին ի պատասխան ՀՀ վարչապետի խոսնակն ասաց, որ Փաշինյանի աշխատանքային օրակարգում նման այց նախատեսված չէ։