News - Ռուսաստանը և Իրանը ռազմածովային զորավարժություններ են սկսել Կասպից ծովում

Կասպից ծովում ռուսական և իրանական նավերը սկսել են փրկարարական գործողություններ և ծովային անվտանգության վարժանքներ, Mehr գործակալությանը հայտնել է զորավարժությունների պաշտոնական ներկայացուցիչ, կապիտան Աբբաս Հասանին։ «Այս զորավարժությունները Կասպից ծովում առաջին անգամ են տեղի ունենում Իրանի նախաձեռնությամբ, այդ նպատակով երեկ ռուսական նավը [SB-45- խմբ.] մտել է Իրանի տարածքային ջրեր, տեղի է ունեցել համակարգման խորհրդակցություն։ Այսօր ընթանում է զորավարժությունների ջրային... փուլը»,- Հասանիի խոսքերն է մեջբերում Ինչպես հայտնում է Mehr-ը, մասնակից ստորաբաժանումները կմարզեն հրդեհաշիջման, փրկարարական գործողությունների և ուղղաթիռներով փոխադրման, ինչպես նաև օդային և ծովային թիրախների ուղղությամբ կրակելու հմտություններ։ Իրանական մեկ այլ ISNA լրատվական գործակալության փոխանցմամբ՝ զորավարժություններին կմասնակցեն Իրանի ռազմածովային ուժերի ռազմածովային և ավիացիոն ստորաբաժանումները՝ ներառյալ «Փայկան», «Ջուշան», «Դերաֆշ» և «Սեպար» հրթիռային նավակները, երկու Agusta-Bell AB212 ուղղաթիռները և կորպուսի ռազմածովային ստորաբաժանումը։ Զորավարժությունները կանցկացվեն դեպի Կասպից ծով ելք ունեցող երկրների ներկայացուցիչների հսկողությամբ։